22 يوليو 2014
اللي عايز يعرف قد ايه اليهود عندهم العنف المفرط عادي جداً، يقرا سفر يشوع في العهد القديم علي سبيل المثال و هيشوف كمية دم مهولة في حروبهم عشان يوصلوا لأرض الميعاد.
اللي احنا لازم نفهمه ان اليهود اليومين دول لسة بيحافظوا علي ارض الميعاد عشان لسة مستنيين المخلص.
العهد القديم برضه كان واضح و ذاكر ان اليهود مكانوش لوحدهم في الارض دي و كانوا دايما في حروب مع الناس المختلفة طول الوقت بس كانت الناس التانية زي الكنعانيين و الفلسطينيين و الامم الاخري موجودين في نفس المكان و كان اليهود بيسموهم امميين و مكانش ينفع يختلطوا بأي حد مش يهودي و علي حسب قوة الامم اللي حواليهم كانوا يا بيكونوا معتديين او معتدي عليهم بس فضل اليهود و الامم يحاربوا بعض لغاية ما جه الرومان و كبسوا علي نفس الكل و برضه فضل اليهود و الامم موجودين بس محتلين من طرف تالت.
موضوع الصراع الاسرائيلي الفلسطيني ده موضوع بقاله آلاف السنين من ايام خروج اليهود من مصر و مازال الصراع موجود و هيكمل لغاية ما الناس تخلص من موضوع الدين ده و تنتمي لحاجة أحسن و هي الانسانية و ده مش باين انه هيحصل علي الأقل في زمننا هذا للاسف.
الفكرة بقي ان المسيحيين و المسلمين عارفين كل البلاوي اللي حصلت دي من آلاف السنين و ميقدروش يفتحوا بقهم بكلمة علي اللي عمله اليهود زمان عشان ديانتهم مبنية علي التسلسل الزمني اللي فيه كل دين معترف ان كل حاجة حصلت قبله صح و من عند ربنا.
يلا مش مشكلة و كملوا خناق.
No comments:
Post a Comment