Google Analytics

Wednesday 4 February 2015

هجوم من السيساوية على الفيسبوك

26 يناير 2015

واضح ان فيه هجوم مفاجيء علي الفيسبوك من بعض الناس المؤيدة للنظام الحالي و ده من وجهة نظري سببه فزع زائد من الناس دي اللي كانت هادئة في فترات سابقة.
ممكن أوجه سؤالي للناس دي و اسأل هو ايه اللي اتغير و خلاكوا مكثفين البوستات اليومين دول؟ عايزين تقنعونا بإيه عشان انا نفسي افهم و مش فاهم ايه الهدف من الكلام الكتير ده؟؟
هل انتوا خايفين من انهيار الدولة بسبب مجموعة من الناس لا تتعدي نسبتهم ٣٪ بـدليل نتيجة استفتاء الدستور و الانتخابات الرئاسية؟؟
انا شايف أنكم بدل ما تخافوا من كام واحد معارض، المفروض تخافوا من نظام غبي بيدمر نفسه و بيدمرنا معاه. صدقوني احنا تأثيرنا تقريبا منعدم و حاولوا توجهوا انتباهكم للطرف الاقوي و هو النظام الحالي بكل اجهزته للاسف.
خافوا أكتر من جهاز اسمه جهاز الشرطة مش عارف يقوم بدوره الصح و هو تأمين الناس السلميين و بالعكس, ده عادي جدا ممكن يقتل ناس سلميين.
خافوا من نظام بيستخدم الفهلوة مش العلم في إدارة شئون البلد و بيخون الناس المحترمة اللي عندها علم و عايزة تخدم بلدها بجد.
خافوا من نظام بيغيب شعبه عن طريق الاعلام اللي بيلقنه يقول إيه و مايقولش إيه و بيمنع ناس تظهر على التلفيزيون عشان مش بيطبلوا للنظام.
خافوا من نظام مع كل ازمة, يطلع رئيسه و يقول تحيا مصر و مصر أم الدنيا و الكلام اللي مالوش أي معنى غير الضحك على الناس.
دي نصيحة بجد لو عايزين تشوفوا بلدنا أحسن.

No comments:

Post a Comment