7 يناير 2015
معلش استحملوا الجملة دي, محاولة وصف الجريمة الارهابية بتاعة فرنسا بإن الجريدة تتحمل جزء من المسئولية عشان مش بتحترم المعتقدات المقدسة بالظبط عندي زي اللي بيقول إن البنت غلطانة عشان لبسها مستفز أو بتتصرف بطريقة مش مظبوطة و خلي المتحرش يتحرش بيها أو يغتصبها.
محاولة الصاق جزء من المسئولية على المجني عليه شيء غلط و عمره ما كان صح و لابد من محاربة طريقة الفكر اللي من النوع ده.
في أي مكان متحضر في العالم, الناس بتحل مشاكلها أو اخلافاتها بطرق محددة مفيهاش قتل أو دبح.
المنطقة العربية كلها عندها ازمة حقيقية في ثقافة الاختلاف و الوضع الحالي مش فارق حاجة عن المجتمعات المتخلفة في اوروبا أيام العصور الوسطى, و مطلوب من كل الناس المتنورة تغيير الفكر ده مش محاولة تبريره بالقاء جزء من المسئولية على المجني عليه.
No comments:
Post a Comment