19 ديسمبر 2014
فيه جملة معروفة من زمان و بقينا بنسمعها كتير اليومين دول. الجملة دي هي "الدين أفيون الشعوب". أنا أول ما سمعتها مكنتش فاهم قوي معناها إيه و مكنتش حاسس إنها معبرة لغاية ما ابتديت أشوف أفعال و اقوال الناس المتدينة و رجال الدين الفترة اللي فاتت و فهمت معني الجملة دي.
ببساطة, الجملة دي معناها إن الدين بقى زي المخدر اللي بيخدر الانسان اللي عنده مشاكل عشان يصبر على مشاكله و يكون عنده امل إن ظروفه هتتحسن في المستقبل. الموضوع ده بقى واضح قوي في الفترة الأخيرة و ناس كتير بقيت مصدقة في الحاجات دي اللي ملهاش أي وجود غير في المجتمعات الجاهلة الضعيفة اللي مستنية الفارس الشجاع اللي راكب على حصانه و هيحل كل مشاكلهم و هم قاعدين يتفرجوا من غير ما يعملوا أي حاجة و تحول الدين إلى وسيلة في ايد الحكام لتخدير الشعوب و وسيلة تبدو في مظهرها إنها جميلة للهروب من الواقع كالمخدرات اللي ناس كتير بتاخدها عشان تهرب من مشاكلها.
للاسف, الثقافة الدينية في مصر بقالها عقود كثيرة في انهيار و رسخت قيم سيئة عند اغلب الناس زي الكسل و التواكل و الانبطاح.
نتمنى إن يتخلص الشعب المصري من هذه الآفات المدمرة لأي مجتمع و يتحرر من افيون الدين اللعين قريبا.
No comments:
Post a Comment