5 فبراير 2015
من أكتر الحاجات المفيدة لشبكات التواصل الاجتماعي هو إنه اعطانا فرصة إننا نشوف آراء ناس موجودين معانا في كل حتة بس عمرنا ما كنا نتخيل أو نتوقع بيفكروا إزاي و ده عشان الكيبورد بتدي شجاعة أكتر لصاحبها يعبر عن اللي جواه.
من خلال المواقع دي بنسمع كلام كتير بيتردد من ناس كتير و بيتقال على إنه مسلمات مع إنه بيكون غير مقنع لناس تانية كتير. من الكلام ده موضوع فطرة الانسان اللي الناس بتمسك فيها لما تحصل أي حادثة بشعة زي أي جريمة من جرائم داعش الارهابية و الناس بتستدل بالفطرة على أساس إنها حاجة واضحة ومعيار ثابت عند كل الناس. مشكلة الناس اللي بتردد الجملة دي من وجهة نظري انهم معتبرين إن حكمهم على الاشياء هو المعيار الوحيد السليم و أي رأي اخر مخالف لرأيهم هو ضد الفطرة الطبيعية. و أنا احب اوضح إن موضوع الفطرة دي حاجة نسبية تماما بتختلف من إنسان لانسان بإختلاف الظروف و هحاول اجيب امثلة مختلفة لكلامي.
- لو جبنا بنت من السويد و بنت من الصعيد الجوانى في مصر و سألناهم على معيار اللبس الحشمة, هنلاقي إن كل واحدة من دول لها تخيل مختلف عن الاخري للبس الحشمة. هل نقدر نقول إن اختيار أي منهما اللي بيمثل الفطرة السليمة؟؟ اعتقد إن ده حاجة مش ممكنة عشان ظروف كل واحدة و تربيتها و تعلميها و البيئة المحيطة بيها بيغير في طريقة تفكيرها و تصرفاتها.
- لو افترضنا إن فيه طفل اتولد و عاش مع قبيلة متعودين إن الرجال اقل في المقام من النساء, هل تعتقد إنه هيحس لوحده إن فيه أماكن تانية من العالم تضع السيدات في مرتبة اقل من الرجل؟؟ طبعا لأ عشان هو اتربى على كده و شاف إن ده هو الطبيعي و مش بعيد يهاجم أي مجتمع بيعامل المرأة بطريقة مختلفة عن الطريقة اللي يعرفها.
من خلال المواقع دي بنسمع كلام كتير بيتردد من ناس كتير و بيتقال على إنه مسلمات مع إنه بيكون غير مقنع لناس تانية كتير. من الكلام ده موضوع فطرة الانسان اللي الناس بتمسك فيها لما تحصل أي حادثة بشعة زي أي جريمة من جرائم داعش الارهابية و الناس بتستدل بالفطرة على أساس إنها حاجة واضحة ومعيار ثابت عند كل الناس. مشكلة الناس اللي بتردد الجملة دي من وجهة نظري انهم معتبرين إن حكمهم على الاشياء هو المعيار الوحيد السليم و أي رأي اخر مخالف لرأيهم هو ضد الفطرة الطبيعية. و أنا احب اوضح إن موضوع الفطرة دي حاجة نسبية تماما بتختلف من إنسان لانسان بإختلاف الظروف و هحاول اجيب امثلة مختلفة لكلامي.
- لو جبنا بنت من السويد و بنت من الصعيد الجوانى في مصر و سألناهم على معيار اللبس الحشمة, هنلاقي إن كل واحدة من دول لها تخيل مختلف عن الاخري للبس الحشمة. هل نقدر نقول إن اختيار أي منهما اللي بيمثل الفطرة السليمة؟؟ اعتقد إن ده حاجة مش ممكنة عشان ظروف كل واحدة و تربيتها و تعلميها و البيئة المحيطة بيها بيغير في طريقة تفكيرها و تصرفاتها.
- لو افترضنا إن فيه طفل اتولد و عاش مع قبيلة متعودين إن الرجال اقل في المقام من النساء, هل تعتقد إنه هيحس لوحده إن فيه أماكن تانية من العالم تضع السيدات في مرتبة اقل من الرجل؟؟ طبعا لأ عشان هو اتربى على كده و شاف إن ده هو الطبيعي و مش بعيد يهاجم أي مجتمع بيعامل المرأة بطريقة مختلفة عن الطريقة اللي يعرفها.
- لو جبنا بنت من مصر متعودة تحط حلق في ودانها (اللي هو حاجة طبيعية بالنسبة لنا) و سافرت لبلد البنات فيها متعودة تحط حلق في مناخيرها و موضوع الحلق اللي في الودان شيء مش متعارف عليه في البلد دي, البنت دي غالبا هتشوف إن البنات التانيين اغبياء أو منحلين و البنات التانية ممكن تشوف البنت دي بنفس النظرة برضه.
و لو حبينا نجيب امثلة كتير على الاختلاف في اراء و أفكار الناس, هنلاقي مليون مثل و مثل بس أكتر مثل وقفت قدامه بنوع من الاندهاش و لكني اكتشفت إنه شيء منطقي هو ردود أفعال بعض الناس بعد جريمة داعش بحرق الطيار الاردني. بالنسبة لي كنت اعتقد إن الحرق يعتبر في نفس درجة القسوة لوسائل اخري كالرجم أو الصلب أو تقطيع الاطراف أو الجلد و لكني اكتشفت إن الناس اختلفت فيما بينها بخصوص كل وسيلة.
فيه ناس كانت شايفة إن كل وسيلة من دول وسيلة شرعية طالما استخدمت في موضعها الصحيح (من وجهة نظرهم طبعا) و فيه ناس شافت إن الحرق غلط بس تقطيع الاطراف شيء عادي زي رأي الازهر مثلا اللي اصدر فتوي بتقطيع اطراف الدواعش و صلبهم.
ما اريد ان اقوله إن موضوع الفطرة ده حاجة نسبية تماما و يختلف باختلاف الزمان و المكان و التربية و البيئة المحيطة و عوامل كثيرة تجعل من البشر أشكال و ألوان مختلفة لا نقدر إن نقول إن هناك معيار وسطي نتخذه كبوصلة لتحديد الاتجاه و المجتمع السليم هو المجتمع اللي يسمح بالاختلاف و الحرية الشخصية طالما لا تتعارض مع حرية أو امن الاخرين بعكس المجتمعات المشوهة اللي كل واحد فيها يرى انه يملك الفكر السليم و يريد إن الجميع يلتزم بفكره و لا يرى إن أي فكر مختلف من الممكن ان يكون موجود في نفس المجتمع و لهذا نرى صراعات كثيرة في مصر الفترة الأخيرة خاصة مع غياب القانون اللي دوره هو تنظيم الحياة بين الناس المختلفة بطبيعة الحال.
ما اريد ان اقوله إن موضوع الفطرة ده حاجة نسبية تماما و يختلف باختلاف الزمان و المكان و التربية و البيئة المحيطة و عوامل كثيرة تجعل من البشر أشكال و ألوان مختلفة لا نقدر إن نقول إن هناك معيار وسطي نتخذه كبوصلة لتحديد الاتجاه و المجتمع السليم هو المجتمع اللي يسمح بالاختلاف و الحرية الشخصية طالما لا تتعارض مع حرية أو امن الاخرين بعكس المجتمعات المشوهة اللي كل واحد فيها يرى انه يملك الفكر السليم و يريد إن الجميع يلتزم بفكره و لا يرى إن أي فكر مختلف من الممكن ان يكون موجود في نفس المجتمع و لهذا نرى صراعات كثيرة في مصر الفترة الأخيرة خاصة مع غياب القانون اللي دوره هو تنظيم الحياة بين الناس المختلفة بطبيعة الحال.
أرجو من الجميع فهم انهم جزء صغير جدا من عالم كبير جدا و ليس بالضرورة إن ما يرونه صحيح يكون مناسب للجميع بل من الممكن جدا إن يكون ما يرونه صحيح من أحد أسباب متاعبهم.
https://www.facebook.com/fkhair/posts/10155158976225029?pnref=story
https://www.facebook.com/fkhair/posts/10155158976225029?pnref=story
No comments:
Post a Comment