17 يناير 2015
من الشخصيات المشهورة في مجلة ميكي الاخوة التلاتة سوسو و لولو و توتو. التلات اخوات دول في فريق الكشافة و دايما ماشيين بكتاب دليل الكشافة و دايما لما بيكونوا عايزين يعرفوا اي معلومة او عندهم اي سؤال مش عارفين إجابته، بيرجعوا لدليل الكشافة ده علي اساس انه فيه اجابات علي اي سؤال عندهم في الحياة و طبعا اي سؤال بيخطر علي بالهم، بيلاقوا إجابته في الكتاب ده
مؤخرا بقيت احس ان فيه ناس بيننا بيتعاملوا مع الكتب المقدسة كإنه دليل الكشافة اللي فيه اجابة علي اي سؤال ممكن يخطر علي بال اي انسان مع ان الكتب المقدسة دي وسيلة عشان الناس تعرف دينها و تتعلم الأخلاق الدينية، بس للاسف الناس حولت الكتب المقدسة لمرجع أوحد للإجابة علي اي سؤال في الحياة حتي لو كان السؤال علمي او اقتصادي او سياسي او او او او ....
ايه رأيكم ناخد الدين من الكتب المقدسة و ناخد اي معلومة في اي مجال تاني من مراجع تانية متخصصة في المجال ده بدل ماحنا ماشيين بطريقة مجلة ميكي مع دليل الكشافة العظيم؟؟
#الكتب_المقدسة_مش_موسوعة_جامعة_لكل_المجالات
#بجد_حقيقي
#كفاية_شغل_مجلة_ميكي_ده
#احنا_مش_كارتون
#بجد_حقيقي
#كفاية_شغل_مجلة_ميكي_ده
#احنا_مش_كارتون
No comments:
Post a Comment