14 يناير 2015
اتعرفت على صديق ليبي هنا في أوتاوا و قعد يتكلم على ايام القذافي و حكي قصة ظريفة شوية. قال إن القذافي أول ما مسك الحكم كانت شعبيته مش كبيرة و فيه حتت كتير ماكنتش مؤيدة ليه, فأخد رأي مستشاريه عشان يزود شعبيته عند الناس.
واحد من المستشارين قال له حط السفهاء في أول الصف الاعلامي و سيبهم يتكلموا بأي كلام عليك و على حكمتك و فعلا القذافي عمل كده و جاب ناس مش فاهمين أي حاجة بس عندهم قدرة على الكلام الكتير بثقة بالرغم من انهم مش عارفين أي حاجة من المواضيع اللي بيتكلموا فيها و وصل للناس دي إن القذافي شخصيا بيتباع كلامهم فطبعا كل الناس دي فضلت تشعر في حكمة القذافي و رؤيته الثاقبة و مع الوقت زادت شعبية القذافي بين ناس كتير كانوا مش مؤيدين ليه قبل كده.
واضح إن القذافي فكرة و الفكرة لا تموت.
No comments:
Post a Comment